contoh makalah bahasa bali

BAHASA DAERAH BALI

TUGAS KELOMPOK

X.3

Kelompok :

Artha Rini (05)

Dara Kumala (09)

Elcia Margaretha (16)

Mulia Prasta Dinata (27)

Sri Utami Dewi (37)

SMA NEGERI 1 KUTA UTARA

TAHUN AJARAN 2010/2011

PURWAKA

          Om swastiastu,

Angayu bagia aturang titiang majeng ring Ida Sang Hyang Widhi Wasa, sangkaning sih lan pasuecan Ida, titiang miwah kelompok titiang  prasida ngawangunang makalah puniki. Asapunika taler majeng ring ibu guru sane ngwantuin titiang, lan sawitra-sawitra makasami. Ring makalah puniki titiang jagi ngewahas materi  sane unteng ipun “Basa Bali Alus Singgih”. Mogi-mogi makalah punika prasida maguna ring para pengwaca.  Lan nenten lali titiang nunas sinampura yening wenten sane nenten patut ring pikayunne sareng sami.

                                                          Om Santih, Santih, Santih Om

                                                         

                                                                             Pengawi,

DAGING MAKALAH

PURWAKA …………………………………………………………2

DAGING MAKALAH………………………………………………3

BASA BALI ALUS SINGGIH…………………………………………….4

KRUNA SANE RUMASUK BASA BALI ALUS SINGGIH ………..4

CONTOH-CONTOH KRUNA NYANE ……………….…………………5

PAMUPUT………………………………………………….6

DAFTAR PUSTAKA ……………………………………………………….6

BASA BALI ALUS SINGGIH

Basa alus singgih mangge ritatkala matur atur majeng ring wangsa sane tegehang utawi ring janma sane matut junjungan utawi singgihang.Lengkara-lengkara sane kaanggen mabebaosan punika marupa kruna-kruna sane sampun kaanutang.

          Basa Bali Alus Singgih wantah basa sane biasanyane kaangge majeng ring :

v Ring anak sane durung kauningin

basa nyane : ida, jero, bapak, dane, miwah sane lianan.

v Ring anak saking golongan tri wangsa

Basa nyane : ida, dane, miwah sane lianan

v Ring sang meraga nayaka praja

Inggih punika : bapak gubernur, bapak bupati, miwah sane lianan

v Anak sane sampun madui jati

Inggih punika : ratu peranda, sri empu, miwah sane lianan

CONTOH-CONTOH KRUNA NYANE :

q Seda, lina, lebar, newata (mati, meninggal)

q Mantuk, budal (pulang)

q Ngaksi, nyingakin, nyuryanin (melihat)

q Mireng (mendengar)

q Wikan, pradnyan, widagda, wagmi (pintar)

q Ngicen (member)

q Parab, pesengan, uspata (panggilan, nama)

q Gria, puri, jero (rumah)

q Ngrayunang (makan)

Contoh lengkara nyane :

a.     Ida kicen lembu asiki.

b.    Sampun tengan sasih suenne.

c.     Raris mabaos-baos sejeroning kayun.

d.    Santukan asapunika meweh Ida mikayunin.

e.     Sang pandita raris matur sairing.

f.       Ida kalintang pageh ring semadi.

g.     Swadarmane dados sisia patut seleg melajah.

h.    Wuku dungulan Sang Kala Tiga Turun.

i.       Pinaka utusan baos sadu ajeng ring sang sane katibenin surat.

j.       Kruna ring Bali kapah dados lelima.

PAMUPUT

          Inggih wantah asapunika makalah sane prasida aturang titiang, titiang nunas geng sinampura yening wenten kruna miwah lengkara sane nenten patut.

                                                                    Om Santih, Santih, Santih

Daftar pustaka,

Buku bahasa Bali kelas X (Widyajnyana Sari 1)

Read More

pidato bahasa bali

Ngajegang Budaya Bali Antuk Busana Adat

Bapak ibu guru sane wangiang titiang, miwah timpal-timpal sareng sami sane tresnasihin titiang,

Garjita dahat manah titiang saantukan ring rahina sane becik puniki titiang prasida kacunduk ring ida dane sinamian saha polih galah maatur-atur samatra,. Sadurung nglantur lugarayang titiang ngastiti ring Ida Sang Hyang Widhi Wasa antuk ngojarang pangastungkara panganjali

Om Swastiastu,

Ring pagubugan sarahina, titiang miwah ida dane majanten kapatut setata siaga nganggen busana.yening wenten anak anom utawi sampun lingsir sane nenten mabusana ring margine janten katarka wong edan utawi anak buduh. Tegesnyane nenten wenten anake pacang juari utawi nenten mabusana angan akidik ring kahuripannyane. Sangkaning mabusana sane manut anake pacang makanten becik, agung, miwah ayu. Mabusana taler sane mawinan iraga urip rahajeng taler sida ngawinang sungkan. Dadosnyane ageng pisan jatinipun kawigunan busanane ring kahuripan druene sarahina.sakewanten yening wenten anak mabusana nenten nganutin tata linggih mejanten taler pacang ngwetuang salit rasa utawi ngawinang nenten seneng sange ngatonan. Bilih-bilih busana adat baline.

Ring Indonesia, duaning panegara druene kawangun antuk makudang-kudang pulau sane madue makudang-kudang suku bangsa saking adat maendahan, majanten taler pacang madue busana adat sane matios-tiosan. Wnten busana adat bali, busana adat sunda, busana adat sasak, bugis miwah sane lianan.

Ring bali taler kadi asapunika, krama adat baline sampun ketah pisan susrusa maparilaksana ngrajegang budaya baline. Busana sane lumrah kaanggen rikala nyanggra pakaryan dinas janten pacang mabiyanan ring busana kalaning ngalaksanayang pakaryan adat miwah agama. Upami rikala pacang ngalaksananyang upakara dewa yadnya,patut nganggen busana pamuspan, marupa wastra patut nganggen kuaca, miwah destar antuk sange lanang raris wastra,kebaya, anteng, saha papusungan ring anak istri.

Busana-busana punika sajaba wastra,lumrahnyane mawarna sarwa putih utawi kuning, sakewanten rikalaning nyarening indik upakara pitra yadnya utawi pangabenan, nganggen busana sane mawarna sarwa ireng. Yening kaupakaren ring upacara metatah miwah mamiwaha kangkat nganggen busana payas madia utawi agung. Anake sane pinaka pangayah utawi rikala ngayanga sadereng unteng upacarane lumrah krama baline mabusana adat madia. Sane lanang mawastra, maambed miwah madestar batik raris sane istri nganggen taler busana adat madia saha nenten setata mapusungan.

Ida dane sinamian sane wangiang titiang,

Yening dados titiang ri sajeroning sareng nitenin ngrajegang budaya baline, ngiring pada yatnain sareng-sareng mangda iraga sareng sami prasida mabusana sane setata manut ring sane kaucap patut nganutin tata krama adat miwah agama druene. Mangda busaya adat baline setata ajeg .

Inggih kadi asapunika titiang prasida maatur-atur ring galahe sane becik puniki, dumogi wenten pikenohnyane. Makakirang langkung atur titiang, titiang nglungsur geng rena pengampura. Pinaka pamuput atur lugrayang titiang ngajorang parama santih,

Om santih, santih, santih om

Read More